焗德國啤酒雞

今次唔寫工作住，寫返個食譜先，呢個係我自己嘗試好幾次後改良後既食譜，外皮脆內香滑既焗雞食譜，希望大家試完會鍾意！

焗德國啤酒雞

材料：

雞一隻（可用急凍）我用冰鮮

麥啤1罐 （黃黑罐有幾蜜蜂公仔係罐面既啤酒，帶少少甜味）

頭抽5湯匙

老抽1湯匙

Tabasco 1湯匙

檻欖油3湯匙

乾 Parsley2湯匙

蒜蓉3湯匙

黑椒少許

新鮮thyme 1束（焗時用）

做法：

1.先將雞洗乾淨抹乾，將生抽、頭抽、蒜蓉、檻欖油丶乾 Parsley、黑椒、tabsco 混合，搽混全雞，尤其肚內，

2.將雞放入保鮮袋，加半罐酒啤落去，扎口放入雪櫃浸1晚，中途反轉1次,另半罐啤酒用保鮮紙封口放入雪櫃留明晚焗雞時用！

3.第2晚焗雞，保鮮袋取雞留浸雞既汁待用,啤酒罐焗前剪短約半個罐（如焗爐夠高不需剪短），裡面留1／3啤酒，放新鮮 thyme入罐內

4.將雞pat位置剪大少少，套落已加既鮮thyme啤酒連罐，幢起隻雞焗，雞頸用牙簽"吉"住封口，放入焗盆，之前留既浸雞汁倒一半落盆度同焗

5.焗爐預熱10分鐘220度,焗45-60分鐘至金黃

6.焗完後盆內剩餘既汁加罐內既thyme啤酒混合，自行調較用黎點雞食，想濃雞香味就多盆汁，濃啤酒味既多罐內啤酒，另如想多汁點雞，可加之前倒剩既浸雞汁（不過要煮滾）

備註：

1.焗盆用錫紙包才焗方便清洗    2.雞翼尖及頂部用錫紙包，以防快燶，最後幾分鐘先拆錫紙焗

3.套啤酒罐原因能幢起成隻雞焗得混沌及將罐內啤酒薰香隻雞及加水份令至香滑

我的海鮮工作篇-工幹@美加（二）

由三藩市去紐約~
因為想爭取時間從三蕃市選擇左夜機到紐約，加埋時差都6個鐘先到達，第二朝到達紐約機場，一到步供應商接機駕左5個鐘車經波士頓到maine, maine係最近阿拉斯加既城市之一，今次主要去參觀龍蝦廠，大家唔好以為波士頓龍蝦最多就係波士頓，其實波士頓龍蝦既盛產地係美國既maine同加拿大既 Halifax!美國maine天氣夠凍最適合龍蝦生活，但肉質無加拿大既好，只是價錢較平，而加拿大波士頓龍蝦肉質厚夠full蝦殼較硬，味道都較好，因為加拿大較深水，

   Maine確係好凍既地方，龍蝦廠外巧大雪

 呢間捉過最大既龍蝦，成26磅！@@！

呢隻8磅既都好巨。。。可惜電話問題，無左一些古怪龍蝦既相，仲有去波士頓逛街既相，我地留左大半日就返去紐約，好好訓返晚！

休息一晚後第二日要去portland,趁未夠鐘上機前係曼克頓行左大半日街！

選擇左下午機到達portland已夜深，好在都供應商黎接機！o∩_∩o

 休息左一晚就去佢廠睇，好多登爵尼斯蟹，內地人叫加拿大蟹，呢隻蟹蟹肉巧鮮甜，都有些少蟹膏，所以鍾意食肉蟹既人會好喜愛，而內地上海海鮮市場占一半都係賣呢隻蟹架！

下一站加拿大溫哥華~

今次去溫哥華去幾個好特別既地方,下一個post要講俾大家知^^~

我的海鮮工作篇-工幹@美加（一）

跟住要講下工作，最常去係日本，其餘係美國、加拿大、菲律賓，而家寫一些工作中既趣事、事物等！首先講上次去美國工幹既事！

三藩市：主要去一個供應海味既供應商度，一到步同佢食左飯，之後就因為係12月31日黃昏，所以去左星光大道等倒數！

第二日去佢既廠！

好多花膠

原來係咁晒海參架~

參觀完就訓一晚既第二日就去outlet行下！

晚上搭內陸機去new York~

我的westie family

首先講下我家6隻小狗先，我有5隻白威同一隻莎莎。。。養狗既生活要由12年前講起，我仲卜卜脆既時候（嘩哈哈）,話說個時係milk 雜誌內頁睇到一張有4隻白威bb既相，好得意。。我無養狗經驗，好奇下落左去太子寵物店睇下，竟然係其一間黑店見到隻。。就無諗過就帶左佢同一埋用品返家，返左家3日就肚痾流鼻涕，帶左佢睇獸醫話應該係狗瘟，個時唔識處理朋友拎返狗鋪退返錢。。。之後我男友見我唔開心帶左隻莎莎返黎，

但我仍念念不忘最後搵朋友從澳洲訂隻白威女女，最後成為我家開心果silver（小花）女女

諗左4年覺得都俾佢生bb,最後係勝利道搵個老公俾佢叫sodium（soso)

2年後生左6隻小豬，可惜有3隻夭折，1隻送俾朋友，2隻成為我家既一份子，sapphire (龜仔）

Sulfate(菲菲）

2年後一個巧合，多隻好曳既  sulphuric  (婷婷),真係無改錯名伍（唔）婷（停）,

養佢地注意事情同心得，生活點滴留待遲少少再，係度最緊要講句：如大家養狗前真係要停一停諗一諗。。十幾年能否不離不棄，你係佢晚唯一既。。。諗清楚先，不要棄養，

講完放下佢地既相先！

開卜鳥!我的分享

大家好!我係森美，不過我男友唔係叫小義架!!

我好耐之前有日日寫卜既習慣，自從FACEBOOK既出現已少寫左..我記得某一次YAHOO 卜UPDATE我遲鳥，所有野無晒決定放棄唔再寫啦，個時最愛分享狗狗點滴，而家人大左接觸多左唔同既野，突然想再寫卜，分享更多...

簡單講下先，我家有六隻小狗，其中四隻係白威狗佢地一家人黎，因為佢地改變左我好多，而工作由一個做行政既人改變為賣海鮮(海鮮入口商)，因做海鮮呢3年接觸好多唔同既人(多謝好朋友帶我入行)，亦食得好左，令我男友同朋友被我令到懂得挑選好既食材，做海鲜亦令有多時出國做野，上年加有2個幾月不在港，美國、加拿大、菲律賓、日本等地多次出入，尤其日本我每次留15日以上，而家變得熟識鳥...賣海鮮亦多儲鳥Le Creuset and Stuab煲同餐具(我都唔算中毒深)，煮食工具Kitchen Aid 同咖啡機等，識得食好食材自然要識搵工具去煮...出得國多就識係唔同國家搵平野令野儲、潮流物品同服飾...仲有我以前做美容集團行政，我會分享些美容心得！

在此慢慢我會寫多關於養狗點滴、煮食心得、飲食、海鮮分辨、美容心得、潮流物、旅遊趣事(日本多)、煮食工具運用及攝影樂趣(我男友提供)，仲有儲物樂趣等...希望大家多些交流，令我增加更多知識!